News
У-21: Холандија 0 – 1 Македонија
Репрезентацијата на Македонија до 21г вечерва во Инсбрук ја совлада селекцијата на Холандија со 1-0 со голот на А. Трајковски во 82м. со што ја продолжи извонредната серија на резултати, 14 средби без пораз.
Во многу борбена фудбалска претстава која наликуваше на првенствена нашата репрезентација одигра извонредно на тактички план и му дозволи на холандскиот тим кој настапи во најсилниот состав да упати само два удари кон голот на Гачевски додека нашата репрезентација имаше дури 7 убави шанси преку Трајковски, Алтипармаковски, Тимов...
Се играше остро со многу дуели и поради повреда предвреме теренот го напушти Филип Најдовски.
Македонија на оваа средба настапи во следниот состав: Гачевски, Брдаревски, Богдановиќ, К. Ристевски, Силјановски, Ф. Најдовски, Хусмани, Д. Бабунски, Трајковски, Алтимпарковски и Тимов. Играа уште и Христов, Ѓорѓиевски и Мицевски.
- Одигравме одличен контролен дуел какви што и се потребни на нашата селекција и на овие млади фудбалери. Она што ме радува е што сите играчи кои добија шанса покажаа карактер и ја играа нашата игра спроведувајќи ги одлично тактичките замисли. Игравме мотивирано и без респект против извонредно силен и квалитетен противник иако ни недостасуваа многу стандардни репрезентативци. Очекувам во ист стил да одиграме и против Албанија што ќе биде само позитивно искуство пред важните квалификациски дуели на Ф. Острови и во Данска-изјави по мечот селекторот Бабунски.
Ова е прва победа на Македонија во 5-иот дуел со Холандија во оваа категорија. Следниот дуел е исто така во Инсбрук со Албанија на 25-ти Мај.
Бабунски го соопшти списокот за следните средби
Селекторот на репрезентацијата на Македонија до 21 г. Бобан Бабунски денеска го соопшти списокот на играчи за гостувањето во Австрија каде ќе одиграме две контролни средби со Холандија и Албанија и за следните квалификациски дуели со Ф. Острови и Данска во гости.
Во рамките на подготовките за продолжението на квалификациите за ЕП и гостувањето на Ф.Острови и Данска не очекува интересен настап во Австрија каде ќе одиграме контролни дуели со Холандија и Албанија. Тоа е добра прилика за дел од играчите кои имаат помала минутажа како и некои помлади фудбалери родени 1992г да се наметнат со своите квалитети, особено што се работи за играчи кои ќе можат да играат и во следниот квалификациски циклус
За нас најважен е во овој момент дуелот со Ф.Острови каде ни е потребна победа за да влеземе со одлична позиција на табелата во пресметката со фаворитот во групата -Данска, меч кој се игра четири дена подоцна на 5. јуни. Очекуваме се да биде во најдобар ред со фудбалерите и по настапот во Португалија да ни се приклучат А-репрезентативците Спировски, Хасани, Ристовски, Фазли и Урдинов и во комплетен состав го одиграме најважниот дуел во овој дел од годината кој ќе не одржи во конкуренција за првите две места на табелата до септември кога се решава конечниот пласман- изјави за Веб-сајтот на ФФМ асистентот на Бабунски, Зоран Бошковски-Чоко.
НАТПРЕВАР: Холандија – Македонија , Албанија – Македонија
МЕСТО: Инсбрук
ПОЧЕТОК:19:00 со Холандија на 22.05; 16:00 со Албанија на 25.05
СТАДИОН: ШВАРЦ, Инсбрук
У-21 репрезентација
ГОЛМАНИ
1 Гачевски Филип 17/08/90 ФК Капфенберг Австрија
2 Димитриевски Столе 25/12/93 ФК Кадиз Шпанија
ОДБРАНА
3 Ристевски Кире 22/10/90 Ф.К.Билиш Албанија
4 Богдановиќ Горан 09/06/90 Ф.К.Работнички Македонија
5 Брдаревски Владица 07/02/90 ФК Работнички Македонија
6 Ашковски Стефан 24/02/92 Ф.К Телеоптик Србија
7 Горгиевски Бојан 25/01/92 ФК Сконто Летонија
8 Митревски Ристо 05/10/91 Ф.К Тетекс Македонија
9 Дробаров Влатко 02/11/92 ФК Напредок Македонија
СРЕДЕН РЕД
10 Силјановски Горан 01/07/90 ФК Ренова Македонија
11 Хусмани Зени 28/11/90 Ф.К Шибеник Хрватска
12 Mицевски Дарко 12/04/92 ФК Работнички Македонија
13 Најдоски Филип 13/09/92 ФК Напредок Македонија
14 Бабунски Давид 01/03/94 Ф.К Барселона Шпанија
15 Елдис Бајрами 12/12/92 Ф.К Рапид-Виена Австрија
НАПАД
16 Трајковски Александар 05/09/92 Ф.К Цулте Варегем Белгија
17 Алтипармаковски Маријан 18/07/91 Ф.К.Ксанти Грција
18 Несторовски Илија 12/03/90 Ф.К.Металург Македонија
19 Филип Тимов 22.05.1992 Ф.К Импулс Ерменија
20 Христов Симеон 04/09/92 ФК Егри Унгарија
Собирот за репрезентацијата е предвиден за 21.04.2012 во хотел Континентал до 12:00 часот.
Comments
Post a Comment